Alfonso Rueda Valenzuela

Vicepresidente e Conselleiro de Presidencia, Administracións Públicas e Xustiza

Xunta de Galicia

Currículum

Naceu en Pontevedra en 1968. É licenciado en Dereito pola Universidade de Santiago de Compostela e ten o diploma de directivo da Xunta de Galicia. Funcionario da Administración Local, con habilitación nacional e categoría superior, Rueda foi secretario dos concellos de Cervantes, A Cañiza e Cambados, ademais de secretario interventor da Mancomunidade da Paradanta.

A primeira responsabilidade profesional que exerceu no campo da Administración autonómica foi a de xefe do Gabinete da Consellería de Xustiza, Interior e Relacións Laborais. No ano 2000 foi nomeado director xeral da Administración Local da Xunta de Galicia, cargo que ocupou ata que, en 2006, resultou elixido secretario xeral do Partido Popular de Galicia. En 2009 foi elixido deputado do Parlamento galego tras concorrer ás eleccións autonómicas como candidato pola provincia de Pontevedra e, en marzo dese mesmo ano, nomeado conselleiro de Presidencia, Administracións Públicas e Xustiza.

En decembro de 2012 renovou o seu cargo como titular deste mesmo departamento e foi nomeado vicepresidente da Xunta de Galicia.